Os libros de Roald Dahl: Danny, campión do mundo

Na última sesión do Club de Lectura Isaac recomendounos outro libro de Roald Dahl que el está lendo e gústalle moito. Trátase de Danny, o campión do mundo, que está editado por Xerais na colección Merlín.

Resumo do libro:

Danny perde moi noviño á súa nai e dende aquela, a súa única compaña será a do seu pai, un home moi especial e cariñoso que organiza toda a súa vida arredor do coidado do seu único fillo.

Viven nun vello carromato de xitanos, detrás dunha gasolineira na que ademais realizan algunhas reparacións. Dende sempre, Danny enreda coas pezas dos automóbiles e móvese entre os motores, rodas e cegoñais coma se fosen os xoguetes máis adecuados para un rapaz da súa idade.

Pero o pai de Danny ten un segredo: adora a caza furtiva de faisáns, entrar nos terreos

vedados polos amos e señores da terra e as aves para conseguir burlalos e saír con algún

deses prezados trofeos nas mans. Trátase dunha afección dura e perigosa que vai pasando de pais a fillos. Con tan só dez anos, Danny terá que compartir os riscos e a aventura. Pero ademais, o rapaz atopará unha maneira nova e especial de cazar que lle valerá o título de campión do mundo enteiro.

El jardín secreto

Este libro me pareció triste, pero el final me gustó mucho. Me fue complicado de leer, ya que tuve que tener el diccionario a mano.

El libro trataba de una niña a la que le habían muerto sus padres, y fue a vivir con su tío. Allí había una voz que siempre gritaba y ella quiso saber que era, y resultó ser su primo con una grave enfermedad. 

Luego, de moverse tanto por la casa encontró un jardín seco que estaba olvidado. Ella se dio cuenta que era el jardín se su tía que había fallecido y su tío no quería recordarla.

Al final el primo se recuperó a medias y todo fue más feliz.

Paola García Bernárdez

Os libros de Roald Dahl: As bruxas

Xa que estamos lendo Matilda, imos repasar a bibliografía do seu autor: Roald Dahl, e a recomendar a lectura doutros libros seus.
Seguro que todos coñecedes o "As bruxas". Podedes atopalo na Biblioteca Escolar, tanto en galego como en castelán. Unha lectura recomendable, agora que acabamos de pasar Halloween.

Resumo do libro:

As Bruxas de Roald Dahl narra a historia dun rapaz e maila súa avoa que se enfrontan á terrible Asociación de Bruxas de Inglaterra, mentres estas, baixo a aparencia de mulleres correntes celebran a súa convención anual nun hotel… Ninguén cre nas bruxas, pero haber hainas. E estas das que fala Roald Dahl posuén podeorosísimos nenicidas. Os nenos para unha bruxa son sucios e fedorentos, o inimigo que hai que exterminar… E non son esas vellas feísimas de voz renxente, traxes negros, sombreiros picudos e vasoiras aerodinámicas. Non. Aquí fálase das bruxas verdadeiras, das que fan traballos normais, levan unha vida normal e adoitan levar luvas porque, na realidade, teñen gadoupas por mans, pés cadrados sen dedas, e utilizan caramelos e chocolates como engado para destruír nenos.

As bruxas é un libro onde o lector atopará moito humor e disfrutará coa maneira sinxela e trepidante coa que o autor mantén a súa atención. Unha historia contada en frases curtas e secuencias claras onde a acción, de golpe, envolve todo o discurso narrativo. Unha voráxine de situacións, de anécdotas, de aventuras que non dan tregua ao lector ata o seu remate.

No ano 1990 fíxose unha adaptación ao cine, coa película "A maldición das bruxas".

O curso pasado, os alumnos que agora están en 5ºB fixeron un traballo para recoller as súas opinións sobre o libro (ollo, contén "spoilers").

Os libros de Matilda: O xardín secreto

O Xardín Secreto é un clásico da literatura infantil en lingua inglesa, escrito por Frances Hodgson Burnett en 1910.
Tamén é un dos libros que Matilda le na Biblioteca. Valeria trouxo ao noso Club de Lectura información sobre este libro.

A protagonista desta historia é Mary Lennox, unha nena orfa que, despois de perder aos seus pais por unha epidemia de cólera na India, viaxa a Inglaterra para vivir ao coidado do seu tío, un home viúvo que reside nunha inmensa mansión de Yorkshire xunto a Colin, o seu malcriado fillo discapacitado. Alí, Mary descobre un inmenso e pechado xardín que estivo abandoado durante anos, e decide transformalo nun refuxio para ela e os seus tres novos amigos.

Detrás deste relato de personaxes inocentes e soñadores agóchase unha mensaxe máis profunda que ten relación co coidado e o desenvolvemento do noso interior e co estado do noso planeta. A través das vivencias da protagonista, a autora non só pretende entreter aos lectores, senón que intenta ensinar o valor da Terra e a importancia de ser cada día máis humanos.

En 1993 fíxose unha adaptación ao cine:

Os alumnos de 1º da ESO dun instituto de Cataluña, fixeron un interesante traballo sobre este libro:

Os libros de Matilda: O home invisible

Xa vimos no primeiro capítulo que Matilda, con só cinco anos, é unha lectora impresionante. Neste capítulo faise mención dos libros que Matilda vai lendo na Biblioteca.
Un deses libros é O home invisible, e deste texto e do seu autor trouxeron información ao Club de Lectura Isaac e Ángela.

O home invisible de H. G. Wells

Título: O home invisible Autor: H. G. Wells País: Inglaterra Ano de publicación: 1897 Idioma orixinal: Inglés Título orixinal: The invisible man

O home invisible é unha famosa novela de ciencia ficción escrita por H. G. Wells. O home invisible do título é Griffin, un científico que teoriza que se cambia o índice refractivo dunha persoa para coincidir exactamente co do aire, e o seu corpo non absorbe nin reflicte a luz, entón non será visible. Griffin logra levar a cabo este proceso consigo mesmo, pero logo non consegue volver ser visible, chegando a un estado mental inestable como resultado.

Máis infomación sobre H.G.Wells:

http://mural.uv.es/jorgon/index2.htm

http://www.epdlp.com/escritor.php?id=2430

Matilda

Hoxe tivemos a segunda sesión do Club de Lectura. Repartimos o material e comentamos o primeiro capítulo do libro, que xa nos pareceu moi entretido. Para a próxima reunión temos que ler 5 capítulos, nos que imos coñecer aos pais de Matilda. Preparádevos!
Tamén levamos unha ficha coa reseña do libro:

Matilda

Título: Matilda

Autor: Roald Dahl

Ilustrador: Quentin Blake

Editorial: Alfaguara

Introducción

Que pode sucederlle a unha nena de brillantísima intelixencia cuns pais vagos e desagradables tan preocupados polas súas vidas mesquiñas que ignoran que a súa filla é un xenio?

Este libro ofrécenos a resposta a tan longa pregunta. Un argumento moi ben estruturado, uns personaxes inesquecibles e unhas situacións imaxinativas conforman esta divertida novela que impresiona a cantos a len, pola súa forma e polo seu contido.

Argumento

Matilda é unha nena con moito talento, amante dos libros e o estudo. Os seus pais, os señores Wormwood, non valoran a súa filla e constantemente trátana de ignorante e estúpida. Matilda, farta de insultos, decide vingarse deles facéndolle trasnadas moi divertidas.

Na escola, atopa a unha directora horrible, a señora Trunchbull e tamén a unha profesora deliciosa, a señorita Honey, coa que conxenia enseguida. Matilda confésalle que ten máxicos poderes para mover obxectos do seu sitio. Moi pronto deberá demostralo para liberar á señorita Honey da tiranía da directora.

Interese formativo e temático

Unha situación familiar difícil non consigue amargar nin amedrentar á nova protagonista da novela; a pesar da presión dos seus pais, un vendedor corrupto e unha bingueira, a nena fai fronte aos seus problemas e logra solucionalos con enxeño e con moito sentido do humor.

Despois de ler esta novela, todos, grandes e pequenos, pensamos que sería estupendo parecernos a Matilda o polo menos ser os seus amigos.

E se queredes coñecer o que falan de Matilda noutros blogs:

http://loscuentosdebastian.com/matilda

http://fotogramasyletras.blogspot.com.es/2012/08/matilda-de-roald-dahl.html

Club de Lectura, comezamos

Este curso temos unha nova actividade na Biblioteca Escolar, iniciamos un Club de Lectura dirixido aos alumnos de 5º curso.
O pasado mércores tivemos a primeira sesión, na que participaron 11 alumnos de 5ºA e 5ºB.
Lucía C., Érika, Lara, Saray, Pablo e Raúl R. de 5ºA
Roque, Isaac, Valeria, Ángela e Paola de 5ºB
O libro que imos ler é Matilda, de Roald Dahl